काभ्रे : काभ्रेमा आज थप २८ जनामा कोरोना संक्रमण पुष्टि भएको छ । धुलिखेल नगरपालिकाका ४ पुरुष, पनौती नगरपालिकाका १ महिला र २ पुरुष,पाँचखाल नगरपालिकाका २ पुरुष रोशी गाँउपालिकाका १ पुरुष र ३ महिला र बनेपा नगरपालिकाका १० पुरुष र ४ महिला गरी २८ जनामा कोरोना संक्रमण पुष्टि भएको स्वास्थ्य कार्यालय काभ्रेका प्रमुख डाक्टर नरेन्द्रकुमार झाले जानकारी दिनुभयो ।

यो संगै जिल्लामा कोरोना संक्रमितको संख्या७२७पुगेको छ । यस्तै ४४७जना भने उपचार पछि निको भएर घर फर्कीएका छन् । आझै जिल्लामा २७२ जना सक्रिय संक्रमित छन् । उनीहरु मध्ये १५८ जनाको अस्पताल आईसोलेसनमा उपचार भईरहेको छ भने ११४ जना होम आईसोलेसनमा रहेको डाक्टर झाले बताउनुभयो ।

यसैबिच धुलिखेल अस्पतालमा थप दुई जना कोरोना संक्रमितको मृ’त्यु भएको छ ।बनेपा नगरपालिका वडा नम्बर १३का ४६वर्षका एक पुरुष र काठमाण्डौ महानरपालिका ९ का ७६ वर्षका एक पुरुषको मृ’त्यु भएको बताईएको छ । यो सँगै जिल्लामा भईरसको संक्रमण बाट मृ’त्यु हुनेको संख्या १३ पुगेको छ । ती मध्ये ५ जना बाहिरी जिल्लाका हुन् ।