सोमवार, बैशाख १७, २०८१
स्कटल्याण्डको ग्लास्गो शहरमा जलवायु परिवर्तनसम्बन्धी संयुक्त राष्ट्रसंघीय सम्मेलन (कोप २६) मा नेपालको तर्फबाट काभ्रे जिल्लाको धुलिखेल नगरपालिकाका मेयर अशोक ब्याञ्जुले सम्बोधन गर्दैहुनुहुन्छ ।
ब्याञ्जुले आज राती ११ बजे नेपालबाटै भर्चुअल माध्यमबाट सम्बोधन गर्नुहुनेछ । विश्वव्यापी नै चुनौतीको रुपमा देखिएको जलवायु परिवर्तनको समस्यालाई सम्बोधन गर्नु सम्मेलनको प्रमुख उद्देश्य रहेको छ ।
जलवायु परिवर्तनको समस्याले वातावरणमा दिनानुदिन समस्या सिर्जना गरिरहेको अवस्थामा सम्मेलन प्रभावकारी रहने विश्वास लिइएको छ ।
नेपालको तर्फबाट धुलिखेल नगरपालिकाले कोइलाको प्रयोगलाई बन्द गर्ने निर्णय लिएको छ ।
वातावरण सन्तुलनमा नगरपालिकाले लिएको यो कदमको अन्तर्राष्ट्रिय जगतबाट पनि प्रशंसा गरिएको छ । नगरपालिकाले वातावरणमा ह्रास ल्याउने प्रमुख तत्वको रुपमा रहेको कोइलाको प्रयोगलाई कम गर्नुको साथ साथै नगरपालिकालाई वाताव।ण सन्तुलित र व्यवस्थित शहर बनाउने लक्ष्य लिएको छ ।
