शुक्रबार, बैशाख १४, २०८१
काठमाडौंको दरबारमार्गबाट प्रहरीले रेडपाण्डको छालासहित दुई जनालाई पक्राउ गरेको छ । पक्राउ पर्नेमा काभ्रे पाँचखाल नगरपालिका–२ घर भएका ३८ वर्षीय रामकुमार श्रेष्ठ र दोलखाको मेलुङ गाउँपालिका–४ भेड्पु घर भएका २९ वर्षीय तुलसाङ दोर्जे गोले रहेका छन् ।
प्रहरी वृत्त दरबारमार्गबाट खटिएको टोलीले उनीहरुलाई दरबारमार्गस्थित होटल मिर्चीबाट पक्राउ गरेको जिल्ला प्रहरी परिसर काठमाडौंले जनाएको छ ।
प्रहरीले अरोपीहरुको साथबाट १ थान रेडपाण्डाको छाला बरामद गरेको छ । आरोपीहरुबारे महानगरीय प्रहरी वृत दरबारमार्गले अनुसन्धान गरिरहेको छ ।
