बुधबार, बैशाख १९, २०८१
काभ्रे | सुन जस्तो पहेँलो देखिने २० तोला धातु सहित १ जनालाई काभ्रे प्रहरीले पक्राउ गरेको छ ।
प्रहरीले बनेपा नगरपालिका वडा नं ७ वकुटोल बस्ने भारत महाराष्ट्र प्रदेश सांङ्ली घर भएका ३९ वर्षीय सचिन विभुतेलाई सोमबार राति पक्राउ गरेको हो ।
प्रहरीले उनको साथ बाट बिल नभएको सुन जस्तो देखिने २० तोला पहेलो धातु, चाँदी जस्तो देखिने १६२ तोला सेतो धातु र स्रोत नखुलेको नेपाली ५ लाख ७८ हजार १ सय ३५ रूपैया र २२ हजार भारु समेत बरामत गरेको छ ।
इलाका प्रहरी कार्यालय बनेपाको नियन्त्रणमा रहेका विभुतेलाई कारवाहीको लागि थप अनुसन्धान भईरहेको प्रहरीले जनाएको छ ।
