सोमवार, बैशाख १७, २०८१
साेलुखुम्बु | सोलुखुम्बुमा तीन वटा एक्स्काभेटरमा आगजनी गरेको आरोपमा पाँच जना पक्राउ परेका छन् ।
पक्राउ पर्नेमा माप्यदूधकोशी गाउँपालिका–५ का सुभाष राई र एक जना नाबालक, थुलुङ दूधकोशी गाउँपालिका–९ लोखिमका हेमन्त राई, एकराज राई र सन्दीप राई रहेका जिल्ला प्रहरी कार्यालय सोलुखुम्बुले जनाएको छ ।
प्रहरी निरीक्षक रामचन्द्र शाहका अनुसार गएको असार ५ गते थुलुङ दूधकोशी गाउँपालिका–५ जुबुमा बा २ क ४८७८ नम्बरको एक्स्काभेटरमा, साउन ४ गते थुलुङ दूधकोशी गाउँपालिका–५ मा बा २ क ९१२१ नम्बरको एक्स्काभेटरमा र मंसिर ३ गते थुलुङ दूधकोशी गाउँपालिका–५ मा अर्को एउटा एक्स्काभेटरमा आगजनी भएको थियो ।
एकाराज राई यी तीनवटै आगजनीमा, सन्दीप र नाबालकको दुई वटा घटनामा संलग्नता रहेको प्रहरीको प्रारम्भिक अनुसन्धानबाट खुलेको छ । अर्का एक जना फरार रहेका र उनको खोजी भैरहेको प्रहरीले जनाएको छ ।
उनीहरुविरुद्ध आपराधिक उपद्रो शीर्षकमा मुद्दा चलेको छ ।
