सबैको समाचार
शनिबार, बैशाख १, २०८१
  • होमपेज
  • नेपाल–कोरिया साहित्य, संस्कृति र कला महोत्सव सुरु

नेपाल–कोरिया साहित्य, संस्कृति र कला महोत्सव सुरु

3730
Shares
नेपाल–कोरिया साहित्य, संस्कृति र कला महोत्सव सुरु

स्वास्थ्यमन्त्री गगन थापाले ‘नेपाल कोरिया साहित्य, संस्कृति र कला महोत्सव’ को आज उद्घाटन गर्नुभयो । नेपाली लेखक सङ्घ र युरासिया कल्चर फोरम, कोरियाको आयोजनामा नेपाल प्रज्ञा प्रतिष्ठानमा आजदेखि सुरु भएको सो तीन दिने महोत्सवमा साहित्यिक प्रस्तुतिसहित कला प्रदर्शनी र अवलोकन भ्रमण पनि गरिने छ ।
सो अवसरमा स्वास्थ्यमन्त्री थापाले दक्षिण कोरियाले छोटे समयमा गरेको समृद्धिबाट नेपालले सिक्नुपर्ने बताउँदै कोरियाले नेपाली युवालाई सम्मानजनक रोजगारी दिइरहेको छ भन्नुभयो ।
दुई देशको आपसी सम्बन्धलाई साहित्य, कला र संस्कृतिका माध्यमले थप जोड्ने भएकाले यस्ता महोत्वसको निरन्तरताको कामना गर्दै उहाँले यहाँको हरेक दुःखमा निःस्वार्थ सहयोगका हात फैल्याएकामा कोरियाप्रति आभार व्यक्त गर्नुभयो ।
सङ्घका अध्यक्ष श्रवण मुकारुङले महोत्सवमा साहित्यिक प्रस्तुतिसहित कला प्रदर्शनी र अवलोकन भ्रमण पनि गरिने जानकारी दिनुभयो ।
कल्चर फोरमका अध्यक्ष हङ् की सिकले नेपालको कला र संस्कृतिप्रति आफूहरुको अगाध माया रहेको बताउनुभयो । रासस

3730
Shares

ट्रेन्डिङ