बिहिबार, बैशाख २०, २०८१
२३ बैशाख, काभ्रे : काभ्रेमा आज एकैदिन १६५ जनामा संक्रमण पुष्टि भएको छ । २२ जना निको भएका छन् ।
स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर नरेन्द्र कुमार झाका अनुसार नयाँ थपिएका संक्रमितमा सबैभन्दा बढी बनेपा नगरपालिकाका ४४ जना पुरुष र २० जना महिला छन् ।
त्यस्तै पनौती नगरपालिकाका ३३ जना महिला, १० जना पुरुष, धुलिखेल नगरपालिकाका १८ जना पुरुष, १४ जना महिला, पाँचखाल नगरपालिकाका ४ जना महिला, ३ जना पुरुष संक्रमित थपिएका छन् ।
मण्डनदेउपुर नगरपालिकाका ५ जना पुरुष, १ जना महिला, रोशी गाउँपालिकाका ४ जना पुरुष, २ जना महिला, नमोबुद्ध नगरपालिकाका ४ जना पुरुष, १ जना महिला र चौरीदेराली गाउँपालिकाका महिला र पुरुष १/१ जना छन् ।
योसँगै काभ्रे जिल्लामा सक्रिय संक्रमितको संख्या ९१० पुगेको छ । होम आईसोलेसनमा ८७८ र अस्पतालको आईसोलेसनमा ३२ जना संक्रमित रहेका छन् ।
