काभ्रेको धुलिखेल नगरपालिका वडा नं ११ को ठूलीटारमा सडक नै जोखिममा पारेर व्यक्तिगत प्रयोजनका लागि डोजरको प्रयोग गरिएको छ । स्थानीय राजकुमार श्रेष्ठले आफ्नो व्यक्तिगत प्रयोजनका लागि सडककोे मापदण्ड ख्याल नगरी आफ्नो खेतमा डोजर लगाएका हुन् ।
उक्त कार्यको सामाजिक सञ्जालमा समेत व्यापक वि रो ध भएको छ । सडकको मापदण्ड ९ मिटर भएपनि सडकलाई नै जोखिममा पारेर खेत बनाएको देख्न सकिन्छ,भने सार्वजिनक जंगलमा माटो फालेका छन् ।
यस विषयमा हामीले वडा अध्यक्ष विष्णु धिताललाई सम्पर्क गरी बुझ्दा सामाजिक सञ्जालमा विरोध गरिएजस्तो मापदण्ड नमिचिएको बताएका छन् । उनले सडकको मापदण्ड अनुसार ९ मिटर छाडेर नै श्रेष्ठले खेत खनेका दाबी गरेका छन् ।
उनका अनुसार उक्त जग्गा श्रेष्ठकै भएको र सडक निर्माणकोे बेला पुरिएको थियो । पुरिएको जग्गा सडक निर्माण कम्पनीले नै सफा गर्नुपर्ने भएपनि त्यतिबेला सडक जोखिममा हुने भएकाले सो कार्य स्थगित गरिएको थियो ।
लामो समसम्म पनि उक्त जग्गा सफा नगरिदिएपछि श्रेष्ठ आफैले डोजर लगाएर सफा गरिएको बताइएको छ । पालिकालेले आज यस विषयमा स्थलगल अनुगमन गर्ने वडा अध्यक्ष धितालले जानकारी दिए ।