नेकपा (माओवादी केन्द्र) बागमती प्रदेश कमिटीले सचिवलय बैठकले काभ्रेमा पालिका इञ्चार्ज तोकिएको छ ।
प्रदेश कमिटी सचिवलय बैठकले पनौती नगरपालिकामा होमबहादुर खुलाल, धुलिखेल नगरपालिकामा यादव ढुंगेल (जमिन), बनेपा नगरपालिकामा गोपाल घिमिरे, नमोबुद्ध नगरपालिकामा टासी लामा, मण्डनदेउपुर नगरपालिकामा ध्रुव काफ्लेलाई इन्चार्जको जिम्मेवारी तोकेको हो ।
त्यसैगरि महाभारत गाउँपालिकामा सुजन लामा, खानीखोलामा मिना पाख्रिन (अनु), रोशी गाउँपालिकामा तिलकबहादुर तामाङ (नवीन), तेमाल गाउँपालिकाकामा दलमान थोकर (डिएम), बेथानचोक गाउँपालिकामा मर्दन सिं तामाङ (पेमा), चौरीदेउराली गाउँपालिकामा विष्णु गौतम (अडिग) र भुम्लु गाउँपालिकामा जनक भण्डारीलाई इन्चार्ज तोकिएको छ ।
बैठकले पाँचखाल नगरपालिका भने जिल्ला कार्यालयले हेर्ने निर्णय गरेको छ ।
यसैबीच बागमती प्रदेश कमिटीको सचिवालय सदस्यमा काभ्रेबाट ६ जना चयन भएको छ । दिनानाथ गौतम (प्रयाय), गंगा बहादुर तामाङ (बमध्वज), मिम बहादुर वाईबा (ज्वाला), दैवलाल घिसिङ (अनुशील), भोलाप्रसाद अर्याल र रेणुका चौलागाईं रहनुभएको छ ।