धुलिखेल, ३२ साउनः काभ्रेमा सरकारी आइसोलेसन वेड चरम अभाव भइरहेको बेला बनेपाबाट कोरोना संक्रमितका लागि खुशी खबर प्राप्त भएको छ । नगरपालिकाले पोलिटेक्निक इन्सिच्यूटको भवनमा एकैपटक ५० वेडको आइसोलेसन सञ्चालनमा ल्याउन लागेको हो ।
हाल जिल्लामा ३९ वटा मात्रै आइसोलेसन वेड छन् । जुन संक्रमितको संख्या भन्दा थोरै हो । जिल्लामा हाल संक्रमितकाे संख्या ७६ पुगेकाे छ । एक जनाकाे मृत्यु भइसकेकाे छ । वेड अभाव भएपछि बनेपाका ४ जना होम आइसोलेसनमा बसिरहेका छन् । होम आइसोलेसनमा बस्दा संक्रमित ब्यक्ति अनुशासित नभएको अवस्थामा घरपरिवार नै संक्रमित हुन सक्ने चिन्ताका माझ बनेपामा ५० बेडको आइसोलेसन सञ्चालनमा ल्याइनुलाई महत्वका साथ हेरिएको छ ।
सञ्चालनका अन्तिम तयारीमा रहेको आइसोलेसन वेडको आज प्रमुख जिल्ला अधिकारीको संयोजकत्वमा रहेको जिल्ला कमाण्ड पोष्ट अन्तर्गतको अनुगमन टोली निरीक्षण गरेको छ । शीर मेमोरियल अस्पतालका चिकित्सिकको निगरानीमा आइसोलेसन नगरपालिकाले तयार गरेको हो ।
हाल जिल्लामा ३९ ओटा आईसोलेसन बेड रहेको स्वास्थ्य कार्यालय काभ्रका प्रमुख डाक्टर नरेन्द्र कुमार झाले जानकारी दिनुभयो । उहाँका अनुसारधुलिखेल अस्पतालमा १५, बनेपामा ५, पाँचखालमा ७ नमोबुद्धमा ६ र पनौतीमा ६ ओटा आईसोलेसन बेड रहेको छ ।