शुक्रबार, बैशाख १४, २०८१
काभ्रे : शिक्षा, विज्ञान तथा प्रविधि देवेन्द्रराज पौडेल शिक्षा क्षेत्रको समस्या समाधान गरेर सरकार अघि बढ्ने बताउनुभएको छ । आज काभ्रे आएका मन्त्री पौडेलले यस्तो बताएका हुन् ।
जिल्लाको रोशी गाउँपालिका वडा नम्बर १२ घ्याङडाँडामा निर्माण हुने विद्यालय, स्वास्थ्य केन्द्र, वृद्धाश्रम र गुम्बा निर्माण परियोजनाको शिलान्यास गर्दै मन्त्री पौडेलले शिक्षाका समस्यालाई सुल्झाउँदै जानुपर्ने बताउनुभएको हो ।
शिक्षाको विकासमा सबै लाग्नुपर्नेमा पनि जोड उहाँले भन्नुभयो,’शैक्षिक क्षेत्रमा देखिएका समस्या समाधान गरेर सरकार अघि बढ्छ । सबैसंग समन्वय गरेर अघि बढ्छ ।
घ्याङडाँडामा निर्माण हुने संरचनाले यहाँको मुहार फेर्ने विश्वास लिएको छु ।’ मन्त्री पौडेलले शिक्षाका समस्या, गुनासो महासङ्घबाटै एकै पटक आएर छलफल गर्दा उपयुक्त हुने बताउनुभयो ।
