हिजोदेखि भएको नेपाली काँग्रेसको १४ औँ महाधिवेशन अन्तर्गत क्षेत्रीय अधिवेशनमा काभ्रेमा गणेश लामाको अग्रता रहेको छ ।

क्षेत्र नं १ बाट खुल्ला तर्फबाट केन्द्रिय महाधिवेशन प्रतिनिधिमा उम्मेरदवारी दिनुभएको उहाँले अहिलेसम्मको मत परिणाम अनुसार अग्रता लिनुभएको हो । उहाँले अहिलेसम्म २१६ मत प्राप्त गर्नुभएको छ ।

काभ्रेको जारी संघीय निर्वाचन क्षेत्र अधिवेशनमा मतदान सकिएको छ । निर्वाचन क्षेत्र नम्बर १ मा कम्तिमा ५ सय मत गनिसकिएको मुख्य निर्वाचन अधिकृत राजेन्द्र लामिछानेले बताउनुभयो । यो क्षेत्रमा १२ सय ६३ मत खसेको छ । कुल प्रतिनिधि १३ सय १४ जना रहेका थिए ।

निर्वाचन क्षेत्र नम्बर १ मा शिव प्यालनबाट सभापतिमा दिनेश लामा उम्मेदवार हुनुहुन्छ भने मधु प्यानलले विष्णु माया पुलामीलाई सभापतिमा उठाएको छ ।

शिव हुमागाई प्यानलबाट सचिबमा शिव प्यानलबाट विद्या सागर लामा र किशोर राज गिरी, सहसचिबमा पदम बहादुर लामा र गणेश अधिकारी चुनाबी प्रतिस्पर्धामा हुनुहुन्छ ।

त्यस्तै मधु प्यानलबाट सभापतिमा विष्णुमाया पुलामी, सचिबमा सुमित्रा आचार्य बञ्जारा र हिरामाया मानन्धर, उपसचिबमा कान्छी र यशु थिङ रहनुभएको छ । निर्वाचन क्षेत्र नम्बर १ मा हालसम्मका मतपरिणाम हेर्दा गणेश लामाको टिम केहि अघि देखिन्छ ।

निर्वाचन क्षेत्र नम्बर २ को भने मतगणना प्रक्रिया अहिलेसम्म सुरु भएको छैन् । अब केहिसमय पछि मत खन्न सुरु गरिएको मुख्य निर्वाचन अधिकृत लामिछानेले बताउनुभयो । यो क्षेत्र नम्बर १२ सय ३० जना प्रतिनिधि छन् । जसमा १२ सय भन्दा बढीले मतदान गरेको बताइएको छ ।

निर्वाचन क्षेत्र नम्बर २ मा मधु प्यालनबाट सभापतिमा महेश खरेल प्रतिस्पर्धा गर्दै हुनुहुन्छ । खरेलको टिमबाट सचिबमा कृष्णबुद्ध बजगाई र नारायण सापकोटा, सह सचिबमा चिरञ्जवी आचार्य (दिलिप) र पुरुषोत्तम बजगाईको उम्मेदवारी परेको छ ।

शिव हुमागाई समूहबाट क्षेत्र नम्बर २ को सभापति सुन्दरमणी आचार्य प्रतिस्पर्धामा हुनुहुन्छ । सुन्दरमणीको टिमबाट सचिबमा आनन्द सापकोटा र राम जोशी, सहसचिबमा निराजन लुईटेल र राजेश तिमल्सिना हुनुहुन्छ ।