काभ्रेमा सत्ता साझेदार दलबीच सिट बाँडफाँड भएको छ ।
आज बसेको सत्ता साझेदार दलको बैठकले सिट बाँडफाँड गरेको नेपाली कांग्रेस काभ्रेका सचिब गुणराज मुक्तानले जानकारी दिनुभयो ।
सहमति अनुसार ७ वटा पालिका नेपाली कांग्रेसको भागमा परेको छ । ६ वटा नगरपालिका मध्ये पाँचखाल, बनेपा, पनौती र नमोबुद्ध नगरपालिकाको प्रमुख कांग्रेसले पाउने छ । त्यस्तै रोशी गाउँपालिका, तेमाल गाउँपालिका र बेथानचोक गाउँपालिकाको अध्यक्ष नेपाली कांग्रेसको भागमा परेको छ ।
नेकपा (एकीकृत समाजवादी) को भागमा मण्डनदेउपुर र धुलिखेल नगरपालिकाको प्रमुख परेको छ । माओवादी केन्द्रको भागमा भुम्लु, चौरीदेराली, महाभारत र खानेपानी गाउँपालिकाको अध्यक्ष माओवादी केन्द्रले पाएको छ ।
सचिब मुक्तानको अनुसार उपप्रमुख र उपाध्यक्षहरूको सिट बाँडफाँडको लागि भने बैठक बसिरहेको छ ।