गठबन्धनको सिट बाँडफाँड लगत्तै चर्को विरोधमा उत्तिएको धुलिखेल कांग्रेस अन्ततः लयमा फर्किएको छ ।
नगर प्रमुखको उम्मेदवार नेकपा (एकीकृत समाजवादी) को भागमा परेपछि कांग्रेस धुलिखेल रुष्ट भएको थियो । तर जिल्ला नेतृत्वसंगको छलफलपछि धुलिखेल कांग्रेस गबन्धनको पक्षमा उभिएको हो ।
कांग्रेस धुलिखेल नगर सचिब सुरज श्रेष्ठले विरोधको च्यापटर क्लोज भएको बताउनुभयो । ‘हामीमा केही दुविधा थियो । त्यो दुविधा नेतृत्वले समाधान गरिदिएको छ । हामी नेतृत्वको निर्देशन अनुसार उपप्रमुखको उम्मेदवारी दर्ता गर्छौ । सचिब श्रेष्ठले भन्नुभयो ।’
वडा तहपनि भागबण्डा हुने र कांग्रेसलाई थोरै मात्रै पर्ने चित्ता धुलिखेल कांग्रेसलाई थियो । तर वडा तहमा सके गठबन्धन गर्ने, नभए गठबन्धनभित्रैका दलहरुबीच प्रतिस्पर्धा गरेर जाने जिल्ला नेतृत्वले आवश्वासन दिएपछि धुलिखेल कांग्रेस पछिहटेको हो ।
‘कांग्रेसलाई उपप्रमुख मात्रै दिने हो कि भन्ने चिन्ता थियो । त्यो नहुने भयो । हामीले हिजो गरेको निर्णयबाट पछि हटिसकेका छौँ । १२ वटै वडामा वडाध्यक्ष सहितको उम्मेदवार टुंगो लगाएर मनोनयन दर्ता गछौँ । सचिब श्रेष्ठले भन्नुभयो ।’