शनिबार, बैशाख १५, २०८१
काभ्रेको पाँचखाल नगरपालिकाको उप प्रमुखले पदभार ग्रहण गरेकी छन् ।
सपथ लिएको झण्डै एक हप्ता पछि निर्वाचित उपप्रमुख सुर्यमाया दनुवारले आज पदभार ग्रहण गरेकी हुन् । नेकपा एमालेबाट उप मेयरमा निर्वाचित सूर्यमाया दनुवारलाई सपथ ग्रहणकै दिन नयाँ कार्यकक्षको व्यवस्था गरिएको थियो।
निवर्तमान उपमेयरको कार्यकक्ष बन्द गरेर उनलाई नयाँ कोठामा राखिएको पछि सुर्यमायाले पदभार ग्रहण गरेकी थिइनन् । पहिलाको कोठा सानो र ढुसी आएकाले नयाँ कार्यकक्ष बनाइएको नगपालिकाले जनाएको थियो।
यता उप प्रमुख दनुवारले भने जनतासामु सहजै सम्पर्क हुन नसक्ने स्थानमा सारिएको भन्दै असन्तुष्टि व्यक्त गरेकी थिइन् । आज उनले नयाँ कार्यकक्षमा नै पदभार ग्रहण गरेकी हुन् ।
