शनिबार, बैशाख १५, २०८१
काभ्रे : जिल्ला समन्वय समिति काभ्रेको नयाँ नेतृत्वका चयनका लागी आज मनोनयन दर्ता भएको छ । एमाले एक्लै र सत्तारुढ दलहरुले गठबन्धन गरेर मनोनयन दर्ता गराएका हुन् ।
एमालेबाट कमला भट्टराईले जिसस प्रमुखका लागि मनोनयन दर्ता गराएकी छन् भने गठबन्धनको तर्फबाट नेकपा एकिकृत समाजबादीका दिपक कुमार गौतमले मनोनयन दर्ता गराएका छन् ।
त्यस्तै उपप्रमुखमा एमालेका तर्फबाट राजेन्द्र केसीको उम्मेदवारी दर्ता भएको छ भने गठबन्धनबाट नेपाली काँग्रेसका रिम बहादुर तामागंले मनोनयन दर्ता गराएका छन् ।
सदस्यका लागि एमालेबाट प्रकाश बञ्जारा,बुद्धिलाल श्रेष्ठ, र सागर मानन्धरले उम्मेरदवारी दर्ता गराएका छन् । यता गठबन्धनबाट मंगल बहादुर तामाङ,निर बहादुर लामा र कमल राज गिरी छन् । गिरी नेकपा माओवादी केन्द्रबाट हुन् भने लामा र तामाङ नेपाली काँग्रेसका हुन् ।
त्यस्तै महिला सदस्यमा एमालेबाट मन मिजार,रुपा प्याकुरेल र रोजिना तामाङ्ग, गठबन्धनबाट रस्मिता भण्डारी,अप्सरा सिपखान र कृष्ण कुमारी राईले मनोनयन दर्ता गराएका छन् । गठबन्धनकी सिपखान काँग्रसकी हुन् भने राई र भण्डारी माओवादी केन्द्रका हुन् ।
त्यस्तै दलित वा अल्पसङ्ख्यक सदस्यमा एमालेबाट प्रमिला कामी र गठबन्धनको नेपाली काँग्रसबाट चण्डिका मिजारले मनोनयन दर्ता गराएकी छन् । उनीहरुले आज धुलिखेल ६ स्थित शैक्षिक तालिम केन्द्रमा पुगेर मनोनयन दर्ता गराएका हुन् ।
जिल्ला समन्वय समिति काभ्रेको नयाँ नेतृत्वका चयनका लागी असार १ गते चुनाव हुँदै छ ।
