काभ्रेको सबैभन्दा पहिलो नगरपालिका बनेपा नगरपालिकाको नीति, कार्यक्रम तथा बजेट सर्वसम्मत पारित भएको छ ।
शुक्रबार बसेको जारी नगरसभाको दोस्रो बैठकले आगामी आर्थिक वर्षका लागि नगरपालिकाको नीति, कार्यक्रम तथा बजेट सर्वसम्मत पारित गरेको नगर प्रमुख शान्ति रन्त शाक्यले बताउनुभयो ।
उपप्रमुख बिमला सापकोटा दाहालले असार १० गते नगरसभा डेबल गर्नुभएको १ अर्ब ५५ करोड २४ लाख ८४ हजार रुपैयाँको बजेट पारित गरेको हो । त्यस्तै नगरसभामा नगरप्रमुख शाक्यले डेबल गर्नुभएको नीति र कार्यक्रम पनि सभाले सर्वसम्मत पारित गरेको हो ।