काभ्रे : काभ्रेको बनेपामा पोखरीमा डुबेको अवस्थामा एक किशोरको शव फेला परेको छ ।
बनेपा नगरपालिका वडा नम्बर ८ मा रहेको लायकुको तलापुखुफु पोखरीमा डुबेको अवस्थामा शव फेला परेको हो ।
ईलाका प्रहरी कार्यालय बनेपा डिएसपी रेशम बोहराका अनुसार शव आज विहानी फेला परेको हो । डुबेको अवस्थामा रहेको शव प्रहरीले उद्दा गरेको थियो ।
मृतकको साथबाट प्रहरीले रोशी गाउँपालिका वडा नम्बर ५ सिसाखानी साविकको वडा नम्बर ३ को धर्मसिङ तामाङ नाम रहेको नागरिकता भेटाएको छ । त्यसैको आधारमा उनका आफन्तले सम्बन्धित वडा अध्यक्षलाई खबर गरिएको डिएसपी बोहराले जानकारी दिनुभयो ।
शव पोष्टमार्टमका लागि बनेपा स्थित शिर मेमोरियल अस्पतालमा राखिएको छ । आफन्त आएपछि मात्रै शवको पहिचान हुने प्रहरीले जनाएको छ । घटनाको थप अनुसन्धान भैरहेको डिएसपी बोहराले बताउनुभयो ।