दाङ, १५ असोज : पूर्व–पश्चिम राजमार्ग अन्तर्गत दाङको लमहीमा यात्रुवाहक बस दुर्घटना हुँदा १४ जना घाइते भएका छन् ।
दाङमा बस दुर्घटना हुँदा १४ जना घाइते पोखराबाट सुर्खेत जाँदै गरेको ग १ ख ८४८५ नम्बरको बस सोमबार बिहान लमही नगरपालिका ४ वनगाउँमा पल्टिँदा चालकसहित १४ यात्रु घाइते भएको जिल्ला प्रहरीले जानकारी दिएको छ ।
बस अनियन्त्रित भइ सडकदेखि १० मिटर तल खसेको जिल्ला प्रहरी प्रवक्ता डिएसपी जनकबहादुर मल्लले बताए । घाइतेहरुको लमही अस्पतालमा उपचार भइरहेको उनले जानकारी दिए ।