मङ्लबार, बैशाख १८, २०८१
काठमाडौँ । एक अध्ययनले जातीय भेदभाव तथा छुवाछूत र लैङ्गिक हिंसाका घटनामा सबैभन्दा बढी दलित महिला परेको देखाएको छ ।
शुक्रबार सार्वजनिक भएको दलित महिला सङ्घको अध्ययन प्रतिवेदनले सो तथ्याङ्क देखाएको हो । राष्ट्रिय दलित आयोग अध्यक्ष देवराज विश्वकर्माकोे अनुसार आयोगमा एक वर्षमा जातीय विभेदका ५५ वटा घटना दर्ता भएका छन्, यो सङ्ख्या कम हो । घटनालाई जातीय र दलीय हिसाबले नै ढाकछोप गरिएको छ । दलितमैत्री प्रहरी प्रशासनको आवश्यकता छ ।
प्रतिवेदन सार्वजनिक कार्यक्रममा विभेद र हिंसाका घटनामा द्रुत मार्ग बाट न्यायिक प्रक्रिया अघि बढाउन माग गरिएको छ ।
अध्ययनअनुसार २०७९/०८० मा लैगिंक हिंसासम्बन्धीका दुई हजार ५३५ घटनामा १२.३८ प्रतिशत दलित महिलामाथि भएका छन् । यो अन्य जातजातिका महिलाको भन्दा दोब्बरले धेरै भएको सङ्घले जनाएको छ ।
