रुपन्देही । रुपन्देहीको देवदह नगरपालिका–४, विजयपुरमा थ्रेसर मेसिनमा परेर सोमबार राति एक जनाको मृत्यु भएको छ ।
थ्रेसर मेसिनमा परेर तिनाउ गाउँपालिका–३, कोलडाँडा स्थायी घर भएकी ५१ वर्षकी लिलासरा दर्लामीको मृत्यु भएको हो । दर्लामी कम्पनीमा काम गर्ने क्रममा सोमबार साँझ थ्रेसर मेसिनमा परेको र तत्काल उद्धार गरी उपचारका लागि बुटवल पठाइए पनि अस्पतालले मृत्यु घोषणा गरेको कम्पनीका सञ्चालक धकेश्वर भट्टराईले बताएका छन् ।
प्रहरीले घटनाको अनुसन्धान सुरु गरेको छ ।