सुर्खेत । दैलेखबाट एसईईका एक नक्कली परीक्षार्थी पक्राउ परेका छन् ।
पक्राउ पर्नेमा महावु गाउँपालिका–१, गैडाबाजका १७ वर्षीय किशोर प्रेम न्यौपाने रहेका जिल्ला प्रहरी कार्यालय दैलेखका निमित्त प्रमुख प्रहरी निरीक्षक दिपक मगराठीले जानकारी दिए ।
न्यौपानेले नारायण नगरपालिका-१, सदरमुकाममा रहेको त्रिभुवन माविमा आफनो भाइ नाता पर्ने सुनिल प्रसाद जैसीको ठाउँमा परिक्षा दिएका थिए ।
न्यौपाने त्रिभुवन मावि दैलेख बजारमा कक्षा १२ का विद्यार्थी हुन् ।
मुखमा मास्क लगाई आएका र प्रवेश पत्रको फोटो पछि टाँसेको देखेर सोधिखोजी गर्दा पत्ता लागेको प्रहरीले जनाएको छ ।