शनिबार, बैशाख १५, २०८१
काभ्रेको नमोबुद्ध नगरपालिकाका नव निर्वाचित जनप्रतिनिधिले सपथ ग्रहण गरेका छन् । स्थानिय तहको निर्वाचन २०७९ बाट निर्वाचित भएका नगरपालिकाका उपप्रमुख सहित वडाका जनप्रतिनिधिले आज नगरपालिकाको सभाहलमा नगर प्रमुख कुन्साङ लामाबाट सपथ लिएका हुन् ।
नमोबुद्ध नगरपालिकाको प्रमुखमा काँग्रेसले जितेको छ,भने उपप्रमुखमा नेकपा माओवादी केन्द्रले जितेको छ । नगर प्रमुखमा कुन्साङ लामा र उप प्रमुखमा रत्न बहादुर लामा निर्वाचित भएका हुन् ।
त्यस्तै वडा नम्बर १ मा स्वतन्त्रका उम्मेदवार प्रेम बहादुर तामाङ, वडा नम्बर २ मा काँग्रेसका कविराज श्रेष्ठ, वडा नम्बर ३ मा काँग्रेसका रमेश तिवारी, वडा नम्बर ४ मा एमालेका अर्जुन बहादुर कार्की, वडा नम्बर ५ मा काँग्रेसका सुर्य तामाङ निर्वाचित भएका छन् ।
यता वडा नम्बर ६ मा भने काँग्रेसका टिका बहादुर के.सी , वडा नम्बर ७ मा माओवादी केन्द्रका धर्म सिंह लामा, वडा नम्बर ८ मा एमालेका शेर बहादुर तामाङ, वडा नम्बर ९ मा काँग्रेसका वीरबहादुर लामाले जित हाँसिल गरेका थिए ।
त्यस्तै वडा नम्बर १० मा माओवादीका राम कृष्ण उपाध्याय र वडा नम्बर ११ मा एमालेका कृष्णबहादुर तामाङ निर्वाचित भए। नगरपालिकाका सम्पूर्ण नव निर्वाचित जनप्रतिनिधिले आज सपथ ग्रहण गरेका हुन् ।
