सोमवार, बैशाख १७, २०८१
काभ्रेका नवनिर्वाचित जनप्रतिनिधिले समग्र नीति निर्माणमा सरोकारवाला पक्षलाई समेट्ने काभ्रेका जनप्रतिनिधिको प्रतिवद्धता जनाएका छन् ।
जिल्लाको धुलिखेलमा सामुदायिक सारथीले नवनिर्वाचित जनप्रतिनिधिका लागि आयोजना गरेको नीति निर्माण तथा सेवा प्रवाहका बारे गरेको छलफलमा सहभागी जनप्रतिनिधिहरू यस्तो बताएका हुन् ।
कार्यक्रममा बनेपा नगरपालिकाका उपप्रमुख बिमला सापकोटा, पाँचखाल नगरपालिकाका उपप्रमुख सुर्य माया दनुवार, बेथानचोक गाउँपालिकाका उपाध्यक्ष तारा राना, महाभारत गाउँपालिकाका उपाध्यक्ष सागर मोक्तान र खानीखोला गाउँपालिकाका उपाध्यक्ष दोर्जेमान जिम्बा सहभागी भएका सामुदायिक सारथीका जिल्ला संयोजक भेष बहादुर दनुवारले जानकारी दिए ।
कार्यक्रमामा कानुन कार्यान्वयनमा कसैलाई विभेद नहुने समेत जनप्रतिनिधिले प्रतिबद्धता जनाएका छन । महाभारत गाउँपालिकाका उपाध्यक्ष मोक्तानले कानुन कार्यान्वयनमा आउने उल्झनका बारे बेला बेला यस्तो कार्यक्रम हुन आवश्यक रहेको बताए ।
कार्यक्रममा सामुदायिक सारथीका अध्यक्ष कृष्ण प्यारी नकर्मीले कानुन निर्माण र कार्यान्वयनमा पारदर्शी हुनु पर्नेमा जोड दिइन् । स्थानीय तह घर गाउँका सबैभन्दा नजिकको सरकार भएको भन्दै जनताको प्रत्यक्ष सरोकार राख्ने विषयमा आफ्नो जनतालाई थाहा नै नदिन काम कारबाही गर्नु नहुने उनको भनाई छ ।
स्थानीय तहले सुशासन र पारदर्शी ढंगले काम गर्नु पर्ने,जनताको आवश्यकताका आधारमा कानुन निर्माण गर्नुपर्नेमा अध्यक्ष नकर्मीले जोड दिइन् ।
