शुक्रबार, बैशाख २१, २०८१
कोरोना भाईरसको संक्रमण फेरी बढ्न थालेको भन्दै काभ्रेको धुलिखेल नगरपालिकाले सचेत रहन सर्वसाधारणमा अपिल गरेको छ । छिमेकी जिल्लाहरुमा कोरोनाको संक्रमण दर तीव्र गतिमा फैलन थालेको भन्दै नगरपालिकाले सचेत रहन भनेको हो ।
आज एक सूचना जारी गर्दै नगरपालिकाले भौतिक दुरी कायम गर्न,मास्क अनिवार्य प्रयोग गर्न,भिडभाड हुने क्षेत्रमा नजान आग्रह गरेको हो । त्यस्तै कसैलाई झाडापखाला लागे,ज्वरो आउने,रुघाखोकीको लक्षण देखा परे नजिकैको स्वास्थ्य संस्थामा सम्पर्क गर्न पनि नगरपालिकाले आग्रह गरेको छ ।
यस्तै वर्षातको समय भएकाले पानी दुषित हुन सक्ने भन्दै उमालेर मात्रै पानीको प्रयोग गर्न पनि नगरपालिकाले आग्रह गरेको छ । प्रमुख प्रशासकीय अधिकृत तारानाथ लुईँटेलद्धारा हस्ताक्षरित सूचनामा झाडापखाला,बान लगायत अन्य नयाँ रोग देखा परे नजिकैको स्वाथ्य संस्था वा धुलिखेल नगरपालिकाको स्वास्थ्य शाखामा सम्पर्क गर्न पनि आग्रह गरिएको छ ।
साथै स्वास्थ्यकर्मीलाई पनि अत्यावश्यक बाहेक बिदामा नबस्न र सेवालाई निरन्तरता दिन पनि नगरपालिकाले आग्रह गरेको छ ।
