आइतवार, बैशाख १६, २०८१
पुस १० ,मुम्बई । सन् २०१७ बलिउडको व्यापारका लागि निकै कठिन रह्यो । ठूला चलचित्रहरु बक्स अफिसमा फ्लप खाए भने स्टार पावरले पनि चलचित्रहरु चल्न सकेनन् ।जहाँ बाहुवली २ ले हजार करोडको आँकडा पार गर्दा अन्य चलचित्रलाई २ सय करोडको क्लबमा पर्न पनि हम्मे हम्मे परेको थियो ।
यही पृष्ठभूमिमा क्रिस्मसलाई लक्षित गरेर रिलिज गरिएको सलमान खानको टाइगर जिन्दा हेले सन् २०१७ को रेकर्डमात्र तोडेन खानका पछिल्ला चलचित्रको किर्तिमानलाई पछि छाड्ने संकेत देखिएको छ ।
ट्रेड एनालिस्ट तरण आदर्शका अनुसार चलचित्रले तीन दिनमा नै सय करोड भारुको आँकडा पार गरेको छ । चलचित्रले शुक्रबार ३४.१ करोड भारु कमाएको थियो भने शनिबार ३५.३० करोड भारु तथा आइबार ४५.५३ करोड भारु कमाउँदै तीन दिनमा ११४.९३ करोड भारु कमाएको छ ।
१ सय करोड क्लबमा पुग्ने सलमानको १२ औँ चलचित्र हो जुन कुनै पनि कलाकारको भन्दा धेरै हो । उनको बजरंगी भाइजान र सुल्तानले ३ सय करोड भारु कमाएको थियो ।आइतबार चलचित्रले ४५ करोड कमाएको थियो जुन कुनै पनि हिन्दी चलचित्रले कमाएको सबैभन्दा धेरै रकम हो ।
चलचित्रले तीन दिनमा ११४.९३ करोड भारु कमाउँदै नयाँ किर्तिमान पनि बनाएको छ । यसअघि सुल्तानले १०५ करोड कमाएको छ ।भारतमा मात्र नभएर चलचित्रले अमेरिका, क्यानाडा, दुबईमा पनि राम्रो गर्दैछ ।लगभग १५० करोड भारुमा बनेको चलचत्रिले ३ सय करोड भारु कमाउने आशा गरिएको छ ।
-रातो पाटी बाट
