काभ्रेको बनेपामा अत्याधुनिक चलचित्र छायांकन स्टुडियो बन्ने भएको छ । स्टुडियो निर्माण आयोजनाका लागि साढे दुई हेक्टर वन क्षेत्रको जग्गा प्रयोगका लागि स्वीकृति दिने मन्त्रिपरिषदले निर्णय गरेको छ ।
गत मंगलवार बसेको मन्त्रिपरिषद बैठकले उक्त निर्णय गरेको हो । आर्थिक वर्ष २०८०/०८१ को बजेटमा बनेपामा अत्याधुनिक चलचित्र छायांकन स्टुडियो निर्माण गर्ने योजना समावेश थियो ।
सोहीअनुसार बनेपा नगरपालिकाको वडा नम्बर १० र १३ अन्तर्गत रहेको बाहुनडाँडा सामुदायिक वनको जग्गालाई प्रयोग गर्न स्वीकृति दिने निर्णय मन्त्रिपरिषदले गरेको हो ।