काभ्रे प्रहरीले अवैध चिरान काठ सहित एक जनालाई पक्राउ गरेको छ । जिल्लाको पाँचखाल नगरपालिका ५ खाँवा स्थित अरनिको राजमार्ग सडक खण्डमा खटिएको प्रहरी टोलीले चेकजाँच गर्नेक्रममा सोही नगरपालिका वडा नं ४ का ३३ वर्षिय प्रकाश सुनारलाई पक्राउ गरिएको जिल्ला प्रहरी कार्यालय काभ्रेले जनाएको छ ।
पाँचखालबाट धुलिखेल तर्फ आइरहेको बा ८ च ३१३ नं को बोलेरो गाडीलाई चेक गर्ने क्रममा १५ थान (४७.६५५ क्यूफिट) काठ बरामद गरेको जिल्ला प्रहरी कार्यालय काभ्रेका डिएसपी हरी खतिवडाले जानकारी दिए ।
काठ सहित पक्राउ परेका सुनारलाई थप अनुसन्धानका लागि डिभिजन वन कार्यालय धुलिखेल पठाइएको डिएसपी खतिवडाले जानकारी दिए ।