सोमवार, बैशाख १७, २०८१
काभ्रे : बनेपा नगरपालिकाले नगर क्षेत्रभित्रका सडकको दायाँबायाँ रहेका फुटपाथ व्यापार हटाउन निर्देशन दिएको छ ।
अरनिको राजमार्ग र अन्य मुख्य सडकको दायाँबायाँ रहेका फुटपाथ हटाउन र सार्वजनिक स्थानमा अनुमति बिना व्यापारिक सामाग्री नराख्न आग्रह गरेको छ ।
त्यस्तै ठेला रिक्सा लगायतका साधन राखी व्यापार नगर्न भनिएको छ । नगरपालिकाले आज एक सूचना जारी गर्दै फुटपाथका व्यापारका कारण सडकको दायाँबाँया अस्तव्यस्त भइरहेकाले तत्काल हटाउन निर्देशन दिएको हो ।
पटक पटक सूचना जारी गर्दा पनि व्यवसायीहरुले वेवास्ता गरेका कारण फेरी सूचना प्रकाशित गरेको पालिकाले जनाएको छ ।
साउन १ गतेबाट सडकका दायाँबायाँ क्षेत्रमा ब्यापार व्यवसाय गर्न तथा व्यापारिक सामाग्री राख्न पूर्णरुपमा प्रतिवन्ध लगाउने पालिकाले जनाएको छ ।
