सोमवार, बैशाख १७, २०८१
काभ्रे : काभ्रेपलाञ्चोक जिल्लाको धुलिखेल नगरपालिका वडा नम्बर ८ ले लम्पी स्कीन रोगको संक्रमणबाट मरेको लैनु गाईभैसी गुमाएका किसानलाई नगद १५ हजार रुपैयाँ दिने निर्णय गरेको छ ।
साउन १० गते बसेको निर्वाचित वडा समितिको बैठकले लम्पी स्कीनबाट गौईभैसी गुमाएका किसानलाई राहत दिने निर्णय गरिएको वडा अध्यक्ष विनोद गौतमले जानकारी दिनुभयो । बैठकले बकेर्नु र गर्भवती गाईभैसीको मृत्यु भए १० हजार नगद दिने निर्णय गरेको छ ।
त्यसैगरी कोरली बाच्छीको मृत्यु भए प्रति वटा ५ हजारका दरले नगद राहत प्रदान गर्ने निर्णय गरिएको वडा अध्यक्ष गौतमले बताउनुभयो । बैठकले पशुप्राविधिक नियुक्त गर्ने निर्णय समेत गरेको छ ।
बैठकले लम्पी स्कीन संक्रमण रोकथामका लागि वडाकै बजेटबाट खरिद गर्ने निर्णय गरेको छ । वडा नम्बर ८ मा हालसम्म यो संक्रमणबाट १० वटा गाईको मृत्यु भएको छ ।
यो वडामा बार्षिक करिब १० लाख लिटर दुध उत्पादन हुँदै आएको छ । यो वडामा बार्षिक करिब १० लाख लिटर दुध उत्पादन हुँदै आएको छ । वडा कार्यालयले लम्पी स्कीनको संक्रमण देखिका साथ शुरुदेखि ५० प्रतिशतमा खोप लगाउने र निःशुल्क औषधी विरतणको काम गर्दै आइरहेको छ । काभ्रेपलाञ्चोक जिल्लामा सबैभन्दा शुरुमा धुलिखेल नगरपालिका वडा नम्बर २ मा लम्पी स्कीन संक्रमण देखा परेको थियो ।
धुलिखेल वडा नम्बर ८ जिल्लाको १३५ वटा वडा मध्ये सबैभन्दा पहिले र धेरै नगद राहत उपलब्ध गराउने वडाभित्र परेको छ ।
