सोमवार, बैशाख १७, २०८१
फाइल फोटो
काभ्रेपलाञ्चोक जिल्लाको बनेपा नगरपालिका वडा नम्बर ६ बुडोलमा आज साँझ सेल रोटी पकाउने क्रममा सिलिन्डर ग्यास लिक भएर घरमा आगोलागी भएको छ ।
स्थानीय तीर्थरमण सेढाईको घरको पहिलो तल्लाको कोठामा पुजाको लागि सेल रोटी पकाउने क्रममा अचानक सिलिन्डरबाट ग्यास लिक भई आगोलागि भएको प्रहरीले जनाएको छ ।
प्रहरी, स्थानीय र नगरपालिकाको दमकलको सहयोगमा आगो नियन्त्रणमा लिइएको थियो । आगोगालीबाट मानविय क्षती नभएको प्रहरीले जनाएको छ ।
पुजाको लागि राखिएको खाद्यन्न, पुजा सामाग्री र सोहि कोठाको झ्यालको सिसा फुटेको छ । करिब ५५ हजार बराबरको क्षति भएको प्रहरीले प्रारम्भिक अनुमान गरेको छ ।
