सोमवार, बैशाख १७, २०८१
काभ्रे । बीपी राजमार्ग अन्तर्गत काभ्रेको नमोबुद्ध नरगपालिका वडा नम्बर २ स्थित बीस किलोमा दुई मोटरसाईकल आपसमा ठोकिदाँ तीन जना घाइते भएका छन् ।
आज विहान काभ्रेभन्ज्याङबाट भकुण्डेबेसी तर्फ आउँदै गरेको बा ८२ प ५२२५ मोटरसाईकलले बिपरित दिशाबाट आईरहेको प्रदेश ३–०२०१२ प ६९५९ नम्बरको मोटरसाईकलाई ठक्कर दिँदा दुर्घटना भएको प्रहरीले जनाएको छ ।
दुर्घटनामा चालक सर्लाही मलंगवाका १९ बर्षीय चन्दन शाहको टाउकोमा गहिरो चोट लागेको र अबस्था गम्भीर रहेको प्रहरीले जनाएको छ । सोही मोटरसाइकल सवार सर्लाहि हरिपुर्ण नगरपालिकाका १८ बर्षीय अभिषेक शाह सामान्य घाइते छन् ।
त्यस्तै नमोबुद्व नगरपालिका वडा नम्बर १० का १७ बर्षीय समीर रम्तेलको दाहिने खुट्टामा चोट लागेको प्रहरीले जनाएको छ । घाइतेलाई उपचारका लागि धुलिखेल अस्पताल ल्याइएको छ ।
