सोमवार, बैशाख १७, २०८१
धनकुटा । एक युवाले धनकुटाको पाख्रीबास नगरपालिका वडा नम्बर ६ का वडाध्यक्ष देवेन्द्र गुरागाईंको घरमा आगजनी गरेका छन् ।
आफूले भनेको काम नगरिदिएपछि रिस फेर्न युवाले वडाध्यक्षको घरमा आगो लगाएको प्रहरीले जनाएको छ । सोमबार बिहान १२ः४८ बजेतिर वडाध्यक्षको परिवारले घरमा आगो लागेको थाहा पाएपछि लगत्तै गाउँलेको सहयोगमा आगो निभाइएको थियो ।
धनकुटा प्रहरीले सोही ठाउँका २० वर्षका सुशील अधिकारीलाई नियन्त्रणमा लिएको थियो। आफूले भनेको काम वडाध्यक्षले नगरेको रिस पोख्न त्यसो गरेको अधिकारीले बताएका छन् । अधिकारीलाई आज म्याद थपेर थप अनुसन्धान गरिने प्रहरीले जनाएको छ ।
घरमा वडाध्यक्ष दम्पती मात्रै बस्थे। उनीहरूका छोराबुहारी काठमाडौं बस्छन्। उनी नेपाली कांग्रेसबाट वडाध्यक्षमा निर्वाचित भएका हुन्।
