आइतवार, बैशाख १६, २०८१
बिर्तामोड । अवैधरुपमा सखुवाको काठ ल्याउँदै गरेका दुई जनालाई प्रहरीले पक्राउ गरेको छ ।
ट्याक्टरको डालामा माटोले पुरेर काठ ल्याएको अवस्थामा प्रहरीले दुई जनालाई पक्राउ गरेको हो । पक्राउ पर्नेहरुमा अर्जुनधारा–३ का ४० वर्षीय कृष्ण श्रेष्ठ र ३८ वर्षीय रोहित घतानी रहेका छन् ।
चुरे क्षेत्रको जंगलबाट मे १ त ८०५ नम्बरको ट्याक्टरको डालामा माथिबाट माटोले पुरेर चिरान गरेको ५ फिटको २ थान, ६ फिटको ११ थान, ७ फिटको १९ थान र ८ फिटको २० थान गरी ५२ थान काठ लुकाएर ल्याउँदै गरेको अवस्थामा प्रहरी चौकी शनिश्चरेले नियन्त्रणमा लिएको जिल्ला प्रहरी कार्यालयले जनाएको छ ।
