शुक्रबार, बैशाख २१, २०८१
काभ्रे । अरनिको राजमार्ग अन्तर्गत काभ्रे जिल्लाको पाँचखाल नगरपालिकामा मोटरसाइकल दुर्घटना भएको छ ।
बिहीबार बिहान धुलिखेलबाट पाँचखालतर्फ जाँदै गरेको बा८७प ६४१ नम्बरको मोटरसाइकल पाँचखाल नगरपालिका ६ हनुमानगढीमा दुर्घटना भएको हो । दुर्घटनामा पनौती नगरपालिका १२ बस्ने अन्दाजी ३४ वर्षका रूपक खत्रीको मृत्यु भएको जिल्ला प्रहरी कार्यालय काभ्रेपलान्चोकले जनाएको छ ।
मोटरसाइकलले बसलाई ओभरटेक गर्ने क्रममा अनियन्त्रित भई विपरीत दिशाबाट जाँदै गरेको प्रदेश ३०१००५ ख ९७०३ नम्बरको डिब्बा गाडीमा ठक्कर खाई दुर्घटना भएको हो ।
डिब्बा गाडी र चालकलाई नियन्त्रणमा लिइएको प्रहरीले जनाएको छ ।
