आइतवार, बैशाख २३, २०८१
बारा । तीव्र गतिमा रहेको मोटरसाइकल अनियन्त्रित भई दुर्घटना हुँदा दुई युवकको मृत्यु भएको छ ।
कलैयाबाट वीरगन्जतर्फ जाँदैगरेको मधेस प्र.०३–०३०–प ४३९८ नम्बरको मोटरसाइकल अनियन्त्रित भई शनिबार बिहान १२ः१० बजे प्रसौनी गाउँपालिका –२ दुधौरा खोलाको पुलमा बायाँ साइडको पिलरमा ठोकिएको थियो ।
मृत्यु हुनेमा कलैया उपमहानगरपालिका–१३ बलिरामपुर टोल बस्ने २२ वर्षे कुन्दन मेहता खत्री र वडा –१२ सितलपुर टोलका २२ वर्षे अभिमनु कुसवाहा रहेका छन् ।
