काभ्रे । दोलालघाटमा ५ वर्षिय बालिकाको डुबेर मृत्यु भएको छ ।
धुलिखेल घर भई दोलालघाट बस्दै आएकी ५ वर्षिया रोजिना खड्कीको इन्द्रावती खोलाको पानी जमेको दहमा डुबेर मृत्यु भएको हो ।
धुलिखेल नगरपालिका ६ घर भई हाल दोलालघाट बस्दै आएकी रोजीना खेल्ने क्रममा इन्द्रावती खोलाको पानी जमेको दहमा डुबेर अचेत अवस्थामा भेटिएकी थिइन् । प्रहरी चौकी दोलालघाटको सहयोगमा उद्धार गरी धुलिखेल अस्पताल पठाइएको र उपचारको क्रममा धुलिखेल अस्पतालमा उनको मृत्यु भएको प्रहरीले जनाएको छ ।
खड्कीका बाबुआमा भुम्लु गाउँपालिका १० दोलालघाटमा व्यापार गर्दै आएका छन् ।