मङ्लबार, बैशाख १८, २०८१
विराटनगर । स्रोत नखुलेको नगद सहित सुनसरीबाट एक जना पक्राउ परेका छन् ।
पक्राउ पर्नेमा २७ वर्षीय वीरेन्द्रकुमार राउत रहेको प्रहरीले जनाएको छ । सशस्त्र प्रहरीले २१ लाख ५७ हजार नगदसहित भोक्राहानरसिंह गाउँपालिका ६ बाट राउतलाई पक्राउ गरेको हो । राउतको साथबाट स्रोत नखुलेको उक्त रकम बरामद भएको सशस्त्र प्रहरी बल कोशी प्रदेशका प्रवक्ता एसएसपी रविनराज कर्णजीतले जानकारी दिएका छन् ।
सशस्त्रले बरामद भएको रकम र मोटरसाइकलसहित राउतलाई आवश्यक अनुसन्धान र कारबाहीका लागि राजस्व अनुसन्धान कार्यालय इटहरीमा बुझाएको छ ।
