आइतवार, बैशाख १६, २०८१
बुटवल । पाल्पामा पँधेरोमा नुहाउन गएकी युवतीको हत्या भएको छ ।
मंगलबार दिउँसो ४ बजे घर नजिकैको पँधेरोमा नुहाउन गएकी पद्मा सुनारको हत्या भएको अवस्थामा शव फेला परेको हो । पद्मा साँझ अबेरसम्म नफर्किएपछि खोजी गर्ने क्रममा हत्या भएको अवस्थामा शव भेटिएको प्रहरीले जनाएको छ ।
उनको शरीरका विभिन्न भागमा धारिलो हतियारले काटिएको पाइएको प्रहरीको भनाइ छ । हत्याको कारण खुल्न बाँकी रहेपनि जबरजस्ती करणी प्रयासको प्रतिकार गर्दा घटना भएको प्रारम्भिक अनुमान गरिएको छ ।
