मङ्लबार, बैशाख १८, २०८१
काठमाडौं । नव वर्षको अवसर पारेर राष्ट्रपति रामचन्द्र पौडेलले टोखा नगरपालिकास्थित सपनतीर्थमा पूजा अर्चना गरेका छन् ।
आज सपनतीर्थमा स्नान मेला पनि सुरु भएको छ ।सपनतीर्थमा स्नान गरेपछि कुष्ठरोग निको हुने जनविश्वास छ ।
पौडेललाई काठमाडौं क्षेत्र नं ५ का सांसद प्रदीप पौडेल, टोखा नगरपालिकाका प्रमुख प्रकाश अधिकारी, उपप्रमुख मुरारी तामाङ, प्रमुख प्रशासकीय अधिकृत शेरबहादुर विसी लगायतले स्वागत गरेका थिए ।
सपनतीर्थमा मेलासँगै टोखामा विस्का नखः (जात्रा) पनि सुरु भएको छ । जात्रा वैशाख ४ गतेसम्म सञ्चालन हुनेछ ।
