आइतवार, बैशाख १६, २०८१
काभ्रे : नेपाली काँग्रेसका यूवा नेता गणेश लामा हिजोे पोखराको लेकसाइडबाट पक्राउ परेपछि राजनीतिक प्रतिशोध साँधेर प्रहरीले पक्राउ गरेको काँग्रेसले आरोप लगाएको छ ।
नेता लामालाई विना सर्त रिहा गर्न माग गर्दै काग्रेस काभ्रेले राज्यको यस प्रकारको बर्बरताको घोर निन्दा गरेको छ । विनाकारण प्रहरीले लामालाई नियन्त्रणमा लिएको भन्दै त्यसको विरुद्ध आजै सडकमा उत्रन नेपाल विद्यार्थी संघ (नेवि संघ)लाई नेपाली कांग्रेस काभ्रेको पदाधिकारी बैठकले निर्देशन दिएको जिल्ला कार्य समितिका सचिव दिनेश लामाले फेसबुक मार्फत जानकारी दिएका छन् ।
नागरिकको नागरिक अधिकार कुल्चने तथा कानुनी शासनको धज्जी उडाउने यसप्रकारको सर्वसत्तावादी हर्कत विरुद्ध सशक्त कदम चाल्न काँग्रेस बाध्य हुने चेतावनी समेत दिएको छ ।
https://www.facebook.com/dineshlama1979/posts/4120120778034875
