सबैको समाचार
आइतवार, साउन १०, २०७८
  • होमपेज
  • धुलिखेलका बिपन्न महिलालाई नि:शुल्क बंगुर र कुखुरा

धुलिखेलका बिपन्न महिलालाई नि:शुल्क बंगुर र कुखुरा

धुलिखेलका बिपन्न महिलालाई नि:शुल्क बंगुर र कुखुरा

काभ्रेको धुलिखेल नगरपालिकाले बिपन्न महिलालाई नि:शुल्क बंगुर र कुखुरा वितरण गरेको छ । चालु आर्थिक वर्ष २०७७/७८ को महिलासंग उपमेयर कार्यक्रम अन्तर्गत बिपन्न महिलालाई बंगुर र कुखुरा वितरण गरिएको हो ।

नगरभित्रका सबै वडाका बिपन्न महिला छनौट गरेर नगरप्रमुख अशोक कुमार ब्याञ्जु श्रेष्ठ र उपप्रमुख बिमला शर्माले आज बंगुर र कुखुरा वितरण गर्नुभएको हो । व्यवसायिक पशु पालन तर्फ आकर्षित गर्ने उद्देश्यले बंगुर र कुखुरा वितरण गरिएको नगरप्रमुख ब्याञ्जुले बताउनुभयो ।

नगरपालिकाले १९ जना बिपन्न महिलालाई ५०/५० वटा खुकुरा नि:शुल्क वितरण गरिएको हो । त्यसैगरी १५ जना बिपन्न महिलालाई २/२ वटा बंगुर वितरण गरिएको नगरपालिकाले जनाएको छ ।

यसअघि पनि नगरपालिकाले नगरभित्रका बिपन्न महिलालाई बाख्रा वितरण गरेको थियो । १३५ जना विपन्न महिलालाई नि:शुल्क बाख्रा वितरण गरिएको हो ।

‘आर्थिक रूपमा कमजोर बिपन्न महिलाहरूको आयआर्जन बृद्धि गर्ने उद्देश्यले बाख्रा, बंगुर र कुखुरा वितरण गरिएको हो, नगरप्रमुख ब्याञ्जुले भन्नुभयो ‘नगरबासी आर्थिक रूपमा अब्बल हुनुभयो भने नगरपालिका विकासमा ठूलो सहयोग हुन्छ ।’

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका

error: Content is protected !!