काभ्रेका जेष्ठ नागरिकलाई कोभिशिल्डको दोस्रो डोज खोप लगाइने भएको छ । स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर नरेन्द्र कुमार झाले एक सूचना जारी गर्दै जेष्ठ नागरिकलाई कोभिशिल्ड खोपको दोस्रो डोज लगाउने बताउनुभएको हो ।

२०७७ साल फागुन २३ देखि २९ गतेसम्म कोभिशिल्ड खोपको पहिलो डोज लगाएका जेष्ठ नागरिकलाई यहि साउन २५ र २६ गते दोस्रो डोजको खोप लगाइने बरिष्ठ स्वास्थ्य प्रशासक डाक्टर झाले बताउनुभयो । खोपका लागि सम्बन्धी नगरपालिका र गाउँपालिकाको स्वास्थ्य शाखामा सम्पर्क गर्न स्वास्थ्य कार्यालयले आग्रह गरेको छ ।

खोप लगाउन जाँदा यस अघि पहिलो डोज खोप लगाएको कार्ड लिएर जान स्वास्थ्य कार्यालय काभ्रेले भनेको छ । त्यस्तै मास्कको अनिर्वाय प्रयोग गर्न र खोप केन्द्रमा भिडभाड नगर्न कार्यालयले आग्रह गरेको छ ।