शनिबार, बैशाख १५, २०८१
काभ्रे : काभ्रेको रोशी गाउँपालिकाले आफ्नो भुगोल हेरेर वडा अनुसार मतदाता नामावली संकलन गर्ने भएको छ ।
काभ्रेमा भोलीदेखि पहिलो चरणमा ६ वटा पालिकामा मतदाता नामावली संकलन हुँदैछ । मंगलबार धुलिखेलमा निर्वाचन कार्यालयले राजनीतिक दल र पत्रकारलाई सामुहिक छलफल गरेर पालिकामा केन्द्र रहने गरी मतदाता नामावली संकलन गरिने बताएको थियो ।
पहिलो चरणमा मतदाता संकलन हुने रोशी, खानीखोला, बेथानचोक गाउँपालिका, बनेपा, पनौती र पाँचखाल नगरपालिका मध्ये रोशी गाउँपालिकाले मात्रै वडा अनुसार मतदाता नामावली संकलन गर्ने निर्णय गरेको हो । आज पालिकाका अध्यक्ष डि वि लामाको संयोजकत्वमा बसेको बैठकले यस्तो निर्णय गरेको हो ।
बैठकले मतदाता नामावली कार्यतालिका समेत सार्वजनिक गरेको छ । बैठकले गरेको निर्णय अनुसार मंसिर १७ गते वडा नम्बर ७ र ८ का कटुञ्जेबेशीमा मतदाता नामावली संकलन हुनेछ ।
मंसिर १८ गते वडा नम्बर ६ को, मंसिर १९ गते वडा नम्बर ९ को, २० गते वडा नम्बर १ को, २१ गते वडा नम्बर २ र ३ को, मंसिर २२ गते वडा नम्बर ४ र ५ को कटुञ्जेबेशीमा मतदाता नामावली संकलन हुनेछ ।
मंसिर २३ गते वडा नम्बर १० को, २४ गते वडा नम्बर ११ को, २५ गते वडा नम्बर १२ को र मंसिर २६ गते रोशी गाँउपालिका वडा नम्बर १ देखि १२ सम्मका फोटो खिचाउन छुटेकाको कटुञ्जेबेशीमा मतदाता नामावली संकलन हुनेछ ।
