शनिबार, बैशाख १५, २०८१
नेपाल तामाङ पत्रकार सङ्घमा काभ्रेका पाँच जना पत्रकार अटाएका छन् ।
एक सचिवसहित चार जना पत्रकार सदस्य पदमा निर्वाचित भएका छन् । सङ्घको शनिबार सम्पन्न छैटौँ राष्ट्रिय महाधिवेशनबाट काभ्रेबाट सचिव पदमा शिशिर लामा दोङ निर्विारोध निर्वाचित भएका हुन् ।
त्यस्तै सदस्यहरुमा इकमान लामा, कृतिका घलान,हिरामान तामाङ र मिलन लामा दोङ निर्विरोध चयन भएका हुन् । संघको अध्यक्षमा सुवास योञ्जन चयन भएका छन् ।
सूचना तथा सञ्चार प्रविधिमन्त्री ज्ञानेन्द्रबहादुर कार्कीको उपस्थितिमा सङ्घको शनिबार सम्पन्न छैटौँ राष्ट्रिय महाधिवेशनबाट योञ्जनका अध्यक्षतामा २७ सदस्यीय कार्यसमिति निर्विरोध चयन गरेको हो ।
सङ्घको वरिष्ठ उपाध्यक्षमा बुद्ध योञ्जन, प्रथम उपाध्यक्ष विश्वराज तामाङ, द्वितीय उपाध्यक्ष नेत्र तामाङ, महिला उपाध्यक्ष अञ्जु तामाङ, महासचिव तीर्थराज बल, सचिवमा काभ्रेका शिशिर तामाङ, उर्गेन लो तामाङ र सरस्वती तामाङ र कोषाध्यक्ष डोल्मा छिरिङ तामाङ चयन हुनुभएको छ ।
यस्तै १८ जनालाई सदस्यमा चयन गरिएको छ । नवनिर्वाचित अध्यक्ष योञ्जनले आफ्नो कार्यकालमा तामाङ पत्रकारको क्षमता र मुद्दालाई अझै उचाइमा पु¥याउने बताउनुभयो ।
