काभ्रे : स्थानीय तहको चुनाव नजिकदै जाँदा काभ्रेमा विभिन्न पार्टी परित्याग गरि काँग्रेस प्रवेश गर्नेको लहर चलेको छ ।
सरकारले आगामी बैशाख ३० गते स्थानीय तहको चुनावका लागि मिती घोषणा गरेको छ । यसैबिच काभ्रेको पनौती नगरपालिका वडा नं १ रयालेमा आज एकैदिन ठूला संख्याा नेता कार्यकर्ताले एमाले त्यागेका छन् ।
आज एक कार्यक्रमकाबिच एमाले पार्टी छाडेर साढे दुई सय जना नेपाली काँग्रेसमा प्रवेश गरेका हुन् । कम्युनिष्टले जनतालाई भ्रम छरेको, मुलुकमा अस्थिरता निम्त्याएको भन्दै आफूहरुले एमाले छाडेर काँग्रेस रोजेको बताएका छन् ।
नेपाली काँग्रेस रयाले वडा समितिद्धारा टोल समिति, भातृ संस्था गठन, पार्टी प्रवेश तथा बृहत साँस्कृतिक कार्यक्रमको अवसरमा उनीहरु नेपाली काँग्रेसमा प्रवेश गरेका हुन् ।
नव प्रवेशीहरुलाई काँग्रेस केन्द्रीय सदस्यद्धय गणेश लामा र मधुप्रसाद आचार्य, बागमती प्रदेशका महामन्त्री कञ्चनचन्द्र बादे, जिल्ला सभापति तीर्थ लामाले टिका, खादा र पार्टी सदस्यता वितरण गरेका छन् ।
पनौती नगरपालिका वडा न १ रयालेका सभापति लक्ष्मण सापकोटाको सभापतित्वमा सम्पन्न कार्यक्रममा पर्खाल चौरबाट कार्यक्रम स्थल मुरली खोलासम्म मोटर साइकलको ¥याली सहित काँग्रेसले शक्ती प्रर्दशन गरेको थियो ।
कार्यक्रममा बोल्दै केन्द्रिय सदस्य गणेश लामाले काँग्रेसले जे बोल्छ, त्यही गर्छ भन्ने जनताले बुझदैँ जान थालेपछि काँग्रेसमा जिल्लाभर आकर्षण बढेको बताएका थिए ।
स्थानीय तहको चुनाव नजिकदै जाँदा भएको सयौँ संख्याको पार्टी प्रवेशले काँग्रेसलाई थप उर्जा मिलेको बताएका थिए । उनले स्थानीय चुनावमा काँग्रेसको जीत सुनिश्चित रहेको समेत उनको दाबी छ । उक्त कार्यक्रममा काँग्रेस जोगाउन भूमिका खेल्ने अग्रजलाई सम्मान गरिएको थियो ।