चितवन । चितवनको खैरहनी नगरपालिकामा छुरा प्रहार गरी एक युवकको हत्या भएको छ ।
खैरहनी नगरपालिका–२ निवासी २४ वर्षीय कृष्णप्रसाद खनाल घर नजिकै हर्बल कारखाना अगाडि मृत भेटिएका हुन् । खनालको हत्या कसले र किन गरियो भन्ने खुल्न नसकेको प्रहरीले जनाएको छ ।
जिल्ला प्रहरी कार्यालय चितवनका अनुसार खनालको कोखामा छुरी रोपिएको छ ।
अहिले घटनास्थलमा तालिमप्राप्त कुकुर लगेर अध्ययन भइरहेको बताइएको छ ।