आइतवार, बैशाख १६, २०८१
जाजरकोट। जाजरकोटमा एक बालिकाको भान्सा कोठामा सुतेको अवस्थामा जलेर मृत्यु भएको छ ।
बारेकोट गाउँपालिका ९ खारीगाउँमा गोपाल जैसीकी १७ महिनाकी छोरी नतसा जैशीको भान्सा कोठामा सुतेको अवस्थामा एक्कासि चुल्होमा परेर मृत्यु भएको हो ।
गम्भीर घाइते बालिकालाई मिसन अस्पताल चौरजहारीमा उपचारको लागि लगिएकामा उपचारको क्रममा मृत्यु भएको प्रहरीले जनाएको छ ।
जिल्ला प्रहरी कार्यालय जाजरकोटका प्रमुख डिएसपी सन्तोष कुमार रोकाले घरमा कोही नभएको अवस्थामा भान्सा कोठामा सुतेकी बालीका चुल्होमा परेर गम्भीर घाइते भएको र उपचारको क्रममा मृत्यु भएको बताएका छन् ।
