काभ्रेमा कोरोना भाइरसको संक्रमणका कारण थप एक महिलाको ज्या’न गएको छ । मण्डनदेपुर नगरपालिकाका ८० वर्षिय महिलाको धुलिखेल अस्पतालमा उपचारको क्रममा ज्या’न गएको हो । यो संगै जिल्लाका ४४ जनाको भाईरसको संक्रमणका कारण ज्या’न गएको छ ।
उनीहरु मध्ये १४ जना महिला छन् भने ३० जना पुरुष रहेको स्वास्थ्य कार्यालय काभ्रेले जनाएको छ । यस्तै जिल्लाका संक्रमित मध्ये उपचार पछि आज १३ जना डिस्चार्ज भएका छन् । हाल सम्म जिल्लाका ३ हजार ५२ जना भाईरस मुक्त भएका छन् भने आज थप ९ जनामा संक्रमण पुष्टि भएको छ ।
संक्रमण पुष्टि हुनेमा बनेपाका नगरपालिकाका २ जना महिला र २ जना पुरुष छन् । यसैगरी धुलिखेल र पनौतीका १-१ जना महिला,पाँचखालका १ पुरुष र मण्डनदेउपुरका २ पुरुष रहेको स्वास्थ्य कार्यालयका प्रमुख नरेन्द्र कुमार झाले जानकारी दिनुभयो ।
यो सँगै जिल्लामा कोरोना संक्रमितको संख्या ३ हजार २ सय २७ पुगेको छ भने अझै १ सय ३१ जना संक्रिय संक्रमित छन् । उनीहरु मध्ये १ सय २२ जना होम आइसोलेसनमा छन् भने ९ जना अस्पताल आइसोलेसनमा छन् ।