आइतवार, बैशाख १६, २०८१
काभ्रे : बिहानदेखि अवरुद्ध रहेको बीपी राजमार्गको चौकोट खण्ड सञ्चालनमा आएको छ । भोलीदेखि ठेकेदारले काम गर्ने गरी मौखिक सहमति भएपछि सडक खुलेको हो ।
चौकोटका स्थानीयले निर्माण गर्ने जिम्मा पाएको ठेकेदारले सडक पिच गर्ने समय तालिका सहितको प्रतिबद्धता जनाउन माग गर्दै बिहान ८ बजेदेखि सडक ठप्प पारेका थिए ।
नयाँ पिच गर्न भन्दा रातारात भएको पिच उप्काएको र पिच नगरको भन्दै स्थानीय आन्दोलनमा उत्रिएका हुन् ।
जिल्ला समन्वय समिति काभ्रेका प्रमुख दिपक कुमार गौतम, काभ्रेका प्रहरी प्रमुख एसपी भाग्येन्द्र पुरुष ढकाल, स्थानीय बासिन्दा र ठेकेदारका प्रतिनिधिबीच भोलीदेखि सडकमा काम गर्ने सहमति भनेपछि अवरुद्ध सडक खुलेको हो ।
